السلام عليكم ورحمة الله وبركاته .......
وش اخباركم .. وش علووومكم .......؟
ابقولكم قصه أول شي .. بس قبل
قبل مآ تقرآ اللي تحت
- أضغط هنا عشان تدخل جو شوي مع الــ ! ! ! -
http://www.6rbtop.com/downram.php?song_id=28808&type=au&q=hi\
\
كنت ممدد سيقاني على عتبه باب بيتنا .. زي العاده من الفراغ اعد الي رااايحين والي جايين ..
الا وخدامة الجيران ومعها الكيس الاسود .. !! تدخل وتطلع .. تدخل وتطلع ! وش السالفه !؟
ويوم التفت يمين الا وذاك الي جاي بالسيكل يمشي 200 كلم والفنيله المطرزه والقبعه المخططه والزنوبات الموف !
الا وهذا كومااار لوووح الزمااان راعي البقاله الي باخر الشارع وريحه عطر الكلونيا مخلوطه بريحه
دهااان الشعر ذياك حق الهنود
يوم شفته بغيت اشرد لانه يطلبني قرووش
لكن حب الفضوول واللقافه خلتني اقول بقعد واشوف وش قصته ووش عنده ويوم شافني تلخبطت علومه
وقال السلااااااامو عليكمو الرحمن الرحيم ..
قلتله .. وعليكم السلاااااام هلا كومااااروه !؟ وش السالفه ؟ وش عندك موووط ووط حوول البيت ؟
قال .. انا في اطلب انته دراهم .. << بعد الترجمه والا بالاصل هو قالي ( وين فلووس مال انا ؟ ليش مافي يسدد ؟)
والملعونه هالخدامه ( كرمبه سطل الزمان << اسمها ) يوم شافته قامت تكنس الرصيف والشجر الي قدام البيت
وطاقتها الابتسامه الي واصله خماخم اذانها عليها ضروس متفرقعه كأنها ملابس على حبل الغسيل
فعاد انا سرت اتلعثم وش..؟ ااي... !! اا... انت هالحين اقلط خذ فنجال عيب نصير واقفين عند الباب
قال .. لا خلااااااص انا مافي يبغا ... لا فوووووس ولا فنجال شاهي ولا بياله قهوه . انا ابي انته !
أنا : لعنك الله في وجهك ياملعون ياللي ماربوك أهلك وش تبي فيني ؟
كوومار : بابا انا ابي اقابل خويه مال أنا
!! انا طلع فوق راسي علامه تعجب هااااااالكبر !! وطلعت لمبة صفرا ومامداها تشتغل الا وانكسرت من عيال الحاره الي ماخلو لمبه تشتغل بالشارع
قلت ياكومااار ... اول شي امسح الي علي بالدفتر عشان اتاكد .. والله ماصدق خبر اخونا بالله الا ويطلع الدفتر من جيبه
فتعرفون جيووب الباكستانيين .. عادي يشيل تلفزيون 25 بوصه مهوب عاجز عن دفتر اوراقه من كرتون الببسي
ويطلع القلم ابو نص والاّ طلع مايكتب ! شوي الا قام التبويس ويعطيها من الشفه ويعطييه من هالشفف عشان يكتب << الا.. يلمح ويستعد
الا واسمع شهقه هالمخبووله ( كمخه سطل الزمان ) !! رااااايحه فيها وتهتز ولومافيه عصا المكنسه كان ماعت بالارض
والله حتى القلم بدا يخوور .. !! بس اشوا شخط شخطتين وقال كومااار خلاص هالحين مايبغا شي
تحسفت انا ذيك الساعه لو اني متسلف اكثر 123 تريل ااقصد ريال بس راحت علي .
قال هالحين يالله تقدر تضف وجه مال انتا عشان نشوف شغلنا ؟ ويدخل يده بالباغه ( الكيسه ) ويطلع لي توكس واندومي بالدجاج ..
عاد انا مسوي اموون بقوه .. قلت لا ابي اندومي بالخضار ... قال .. لا خلاص رجع كولوو انت على تتشرط
قلت لا لا خلاااااااص هات شي ببلاش عادي والله لو هو اندومي بالدغابيس
ويغمز لها لسبيكه وترمي المكنسه وتركض للبيت من زود الحياء . ذكرتني بالفلم المكسيكي .. ايخاندرو وصديزته
ويرروح كوماااااار ويربط سيكله بعامود لمبة الشارع
ويفك حبل مغاط السروال << الباكستانيين مغاط سراويلهم حبل و من طوله ياخذبك لفتين في صفر سبعه
قلت والللللللله ماخليك تتهنا انت وشنبك هالي كنه سروال صعيدي
وأصارخ صراااااااااااااااخ الا ويتجمعو الحاره عندي << عاد انا مسويلي فيها فـريـال الي بباب الحاره
ياشباب ياعالم .. ترا كومااااااار داخل عند كمخه سطل الزمان .. اقصد كرمبه سطل الزمان
هذا من جاء له خمس سنوات وهو عزوبي الحقو عليها والله ان يشيلونها بالاخلاء الجوي الطبي < قلب أم الاسم
وهي ماقد سمعت كلمه زيينه من يوم جت .. وفرر راسها بكم كلمه ولعب عليها بكرتون اندومي بالدجاج وباقي شهر وينتهي
هو من يوم سمع اللجه والازعاج وماجلس دقيقتين من دخل
الا ويطلع يررركض وزنوباته النايلون بيده الظاهر متحسف عليها وماعليه الا فنيلته العلاقيه
ووجهه كله رووج اخضر .. !! << ينعن اووم الذوق
وماايمديه يكمل مسافه مترين عن الباب الا وتجيه سطل المكنسه الكهرب ويغبر وجهه وراسه
صار كأنه تغبيرة كبوت كامري ماسك خط الرياض والشباب ماقصرو .. الي يعكرفله والي يشووت ببطنه والي ...
وتطلع ( ام الجيران ) وتقول ...
هالملعون انا مترصده له ومايمدييهم الا و اخبطططي يالقلايه في وجهه
. وهي خلااااااص من بكره بنسفرها لاهلها
ماجا من بكره الا وكمخه مدري كرمبه سطل الزمان ضافه شناطها وقشها وطالعه
وهي تصييح وتناضر الـ BMW << لون أسود قل كامل جلد وفتحه وجنوط تتحرك
المربوط بالعامود هو وهالورد البلاستيك الي تنتف من الشمس وتلقي النظره الاخيره من جهه البقاله
وحتى مانست تاخذ معها كرتون الاندومي
الي كاتب عليه كومار ( I love yoe .. و انا في يحب انتا يا كرمبه و البقاله وراعيها تحت امرك يامكهول الاعيان ياحب أول وان شاءا لله حب ثاني بعد مافي سوي مصيبه مال أنته )
بعد اسبوع لقيت خرقه على بقاله كوماار لووح الزمان وكاتب فيها. (الدكااااان لتقبيل... او للبيع واللي يبي ايجار سوي دقه على بيجر انا لأن جوال في يسرق بتشا صغير )
وحتى اعداد هالموضوع والسيكل مربوط بعامود الاناره
وكومااااار لاحس ولاخبر من بعد ماشفنا اعلان عن هروبه بالجريده .. وعاد انا والله ان خايف لا ينتقم مني
قسم بالله يمكن تمسك معه ويترصد لي وانا طالع والا شي تصدقون بعض الاحيان اجلس بغرفتي وكنت افتح الشباك الحين
اصكه لأن عليه يد تقولو وجه بداية العرب وهو نايم بصراحه أخاف يدخل يده ويطلعني من الشباك
الفوائد ......
1.. انتبهو لخداماتكم من عمال توصيل الطلبات
2.. اذا بغيت تقابل اربط سيكلك بعيد عن بيت الخدامه
3.. اذا جاك شي ببلاش لا تجلس تتشرط وتدلع
4.. دقق وانتبه لحسابك بالبقاله تراهم كل يوم يزيدون عليك ريال .
5.. عاد هذي زي عليكم
وسلمتم
ملطوٍوٍوٍش
الإثنين مارس 31, 2008 8:54 pm
